काय बोलायचे बोलून टाक


वेळ फार थोडा आहे माझ्याकडे 
काय बोलायचे बोलून टाक
मनात टोचणारी सल
एकदा तरी सांगून टाक 

कधी ठेवल्या असशील अपेक्षा 
अपेक्षांचे ओझे उतरून टाक 
धरले गृहीत कायम आता 
विचारूनही बघत जा 
चुका माझ्याही असतील 
केल्या माफ 
आता त्या सर्व सांगून टाक 

प्रेम करतही असशील माझ्यावर 
आता तरी बोलून टाक 
खूप प्रेम करतो मी
तुझ्याशिवाय राहू शकत नाही 
खोट खोट का होईना
एकदा तरी बोलून टाक 

शेवटच्या ह्या माझ्या क्षणांना
काळजीचा हा हात तुझा 
एकदा तरी फिरवून टाक 
गुंतले मी ह्या मोहपाशात 
सांभाळशील हे सारे सांगून
मोकळे करून टाक 

तुझ्या प्रेमाचा आधार 
आयुष्यभर शोधात राहिले 
ह्या अपूर्ण अतृप्तीतच 
मिटतील डोळे 
अखेरचे मला शोधशील का? 
वेळ फार थोडा आहे माझ्याकडे................

(अनघा हिरे)  

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

शब्द बापुडे केवळ वारा

बर्याचदा आपण एखाद्या वाक्याने ईतके disturb होतो........ काय असत बर त्या वाक्यात विशेष अस .....पण आपण सहसा त्या वाक्याकडे लक्ष नाही देत आपण फक्त ती भावना जगत असतो.वाक्याच्या मागील भाव काय आहे आपण याचाच विचार करतो पण ते बोचर वाटणार वाक्य आपण कधी खोलून बघतो का? खर म्हणजे समोरचा काहीतरी बोलतोय त्या वाक्याला खोलून बघितले तर बरेच गैरसमज दूर होऊ शकतात .पण नाही त्या क्षणाला त्या सगळ्या गोष्टी ईतक्या निष्क्रिय वाटत असतात आणि त्या मागची भावना हीच श्रेष्ठ ठरत असते.आणि मग भले मोठे गैरसमज करून आपण मोकळे होतो. आई मुलाला ओरडते किंवा नवरा बायकोला.... बायको नवर्याला बोलते कि आटपा लवकर, .....लवकर लवकर हात उचलता येत नाही का......गॅस चालू होता तुझं लक्ष कुठे होत.... हे साधे वाटणारे बोल काहीना अपमानास्पद वाटतात ...पण वाक्य खोलून बघायची सवय लावली तर लक्षात येईल कि त्या वाक्यात समोरच्या साठी फक्त काळजी आणि प्रेमच असते...आपल्या व्यक्तीला ओरडणे किव्हा त्याचा अपमान करणे हा हेतू कधीच नसतो तर त्याकडे नीट बघितलं तर समजते हि काळजीच आहे आणि काळजी हि प्रेमातूनच येते......मग त्या व्यक्तीचे प्रेम झिडकारून त्या
अधिक वाचा

फिरुनी नवी जन्मेन मी

इमेज
  दिवस सुरू झाला की मी गाणे लावते. पहिलं गाणं असत माणसाने माणसाशी माणसासम वागणे. एकीकडे काम चालू असते. खूपदा मनात हेच येत की मी सगळ्यांशी चांगल वागते. मला खूप लोक चांगले भेटले जे सतत मला मदत करायला तयार असतात. ज्यांना माझी खूप प्रगती झालेली पहायची आहे. आणि ते हर एक प्रकारे माझी मदत करत असतात. पण एक टक्का खराब, स्वार्थी, भामटे,लालची माणसे भेटतात. चांगल्या लोकांविषयी विचार केला तर मन आपोआप उत्साही होते. चेहऱ्यावर एक आनंद, मनाचे समाधान आणि त्या लोकांसाठी खूपसाऱ्या दुवा माझे मन मागतेच. त्रासदायक व्यक्ती विषयी मनात एकच विचार येतो. की ही व्यक्ती आपल्या आयुष्यात फक्त त्रास द्यायला आली नाही तर आपल्याला खूप काही शिकवून गेली. पुढचा बराच वेळ कदाचित ऑफिसला जाईपर्यंत डोक्यात हेच विचार घोळत असतात. ऑफिसला आले की एकीकडे लॅपटॉप चालू करायचा आणि गुलजारच्या गझल लावायच्या. पहिलं गाणं तुझसे नाराज नही जिंदगी हैराण हू का नाराज नसावं मी जिंदगी वर? का हैराण होऊन तटस्थपणे बघत राहू. भरल्या डोळ्यांनी काम करत राहावं. केबिनच्या डोअरला नॉक झाले की आधी डोळ्याच्या कडा हलकेच भिरकवायच्या आणि हसतच स्मोरच्याशी बोलायचे.
अधिक वाचा
इमेज
  तुझ्या माझ्या भेटीची जागा मी शोधलीय. त्या समुद्रात... जेव्हा लाटांना उधाण आले असेल, वादळी वारा सुटला असेल, जो तयार असेल सर्व नेस्तनाबूत करायला. चल ये तेव्हा नक्की बघायला, कुणाची ताकद जास्त आहे, त्याची की माझी? आठवणींचे वादळ माझ्याकडेही आहे. आणि स्वतःला नेस्तनाबूत करण्याची शक्तीही. तू फक्त पाहिला आहे त्याचा आणि माझा शांत, शीतल सहारा. आता आमच्यातले हे वादळ पण अनुभवून बघ. तू येशील नक्की हे ताकदीचे दंद्व पहायला... अनघा अनघा अतुल हिरे
अधिक वाचा